Ինչու՞ են ԵՊՀ ուսանողական խորհրդի նախագահին հրավիրել հարցաքննության

^{ԵՊՀ ուսանողական խորհրդի նախագահ, ԵՊՀ Հոգաբարձուների խորհրդի անդամ Դավիթ Ափոյանին այսօր՝ հուլիսի 1–ին հրավիրել են քննչական կոմիտե հարցաքննության։ Տեղեկությունը NEWS.am–ի հետ զրույցում հասատեցին քննչական կոմիտեից։}

^{Ափոյանը NEWS.am–ին տեղեկացրեց, որ իրեն հարցաքննության են հրավիրել Կենտրոն և Նորք-Մարաշ վարչական շրջանների քննչական բաժին ԵՊՀ–ին պատկանող Հյուրերի տան վաճառքի հետ կապված։}

^{«Ես որևէ կապ չունեմ քննվող գործի հետ: Ասեմ ավելին, գործը վերաբերում էր ԵՊՀ Հոգաբարձուների խորհրդի մի որոշման, որի ընդունման ժամանակ ես ծառայում էի ՀՀ Զինված ուժերում և համալսարանում չէի սովորում»,–ասաց նա՝ նշելով, որ իր համար տարօրինակ է, թե ինչու էին իրեն հրավիրել հարցաքննության, եթե իր անունը գործում առհասարակ չկար։}