«Ռեալի» նախկին հարձակվող․ Ազարը Ռոնալդուին համարժեք փոխարինող չէ

^{Ոչ ոք չի կարող փոխարինել Կրիշտիանու Ռոնալդուին, հայտարարել է Մադրիդի «Ռեալի» եւ Իսպանիայի հավաքականի նախկին հարձակվող Ֆերնանդո Մորիենտեսը՝ անդրադառնալով բելգիացի Էդեն Ազարի տեղափոխությանը Լոնդոնի «Չելսիից» Արքայական ակումբ։}

^{«Ռոնալդուի նման խաղացող հիմա չկա։ Ազարը լավագույններից մեկն է աշխարհում, բայց նա համարժեք փոխարինող չէ Ռոնալդուին։}

^{Կարծում եմ՝ Ազարը լավ կհարմարվի եւ կցուցադրի առավելագույնը, քանի որ նա շատ տաղանդավոր ֆուտբոլիստ է։ «Ռեալին» անհրաժեշտ էր նրա նման խաղացող այդ դիրքում»,- Մորիենտեսի խոսքը մեջբերում է EFE-ն։}

^{Մորիենտեսը «Ռեալում» խաղացել է 1997-2005 թվականներին, դարձել Իսպանիայի կրկնակի չեմպիոն, Չեմպիոնների լիգայի եռակի գավաթակիր։}