Հայ ազգային կոնգրեսի ներկայացուցիչ Արամ Մանուկյանը խորհրդարանում անցումային արդարադատության հարցերի մասին լսումների ժամանակ պահանջել է անհապաղ միջոցներ ձեռնարկել տասնյակ դատավորների եւ դատախազների հանդեպ։
Իր ելույթը իրավունքի ու օրենքների կողմնակիցն սկսեց այն բանից, որ պահանջեց նախագահողից մեկ հավելյալ րոպե՝ «ի հարգանք մարտի 1-ի զոհերի՝ դահլիճում ներկա հարազատների»։
Մանուկյանի կարծիքով՝ անցումային արդարադատության հարցը քաղաքական է, քանի որ ուղղված է իշխանափոխության վերջնական ամրագրմանը։ «Երրորդ իշխանությունը (դատական համակարգը- խմբ.) լկտիաբար սաբոտաժ է անում»,- ասել է Մանուկյանը՝ հետն էլ առաջարկելով անհապաղ վիրաբուժական միջոցներ ձեռնարկել։ Իրավասու մարմինների գործունեությունը հեշտացնելու համար Մանուկյանը դիմել է ՀՔԾ ղեկավար Սասուն Խաչատրյանին եւ պատրաստակամություն հայտնել ներկայացնելու դատավորների եւ դատախազների ցուցակները, որոնց պետք է որքան հնարավոր է շուտ ենթարկել քրեական հետապնդման։
0Comments