Հանրապետության հողերի 15–20 տոկոս սեփականատերերին չենք գտնելու

^{Մեր փորձագիտական կարծիքով, հանրապետության հողերի 15–20 տոկոս սեփականատերերին չենք գտնելու, այդ հողերը կամ պետական, կամ համայնքային սեփականության պետք է հանձնել, հետո աճուրդների միջոցով վաճառել կան վարձակալության տալ: Այս մասին, այսօր՝ մայիսի 11-ին, «Իմ քայլը՝ հանուն Գեղարքունիքի մարզի» համաժողովի ժամանակ հայտարարեց գյուղատնտեսության փոխնախարար Արտակ Քամալյանը:}

^{Ըստ փոխնախարարի, կան մարդիկ, որոնք չեն օգտագործում իրենց հողակտորները եւ օրենքի ուժով կարող են պետությանը տալ վարձակալության, որից հետո պետությունը աճուրդով կհանձնի այդ հողերը երկարաժամկետ վարձակալության, վճարելով սեփականատիրոջը։}

^{Կա նաեւ երրորդ տարբերակը. Պետությունը գնում է հողը, որից հետո կամ վաճառում է, կամ տալիս է վարձակալության։}

^{Անդրադառնալով հողերի կտրտվածության մասին հարցին, Արտակ Քամալյանը շեշտեց, որ այն երկրի ամենամեծ խնդիրներից է եւ նախարարությունում զբաղվում են այդ հարցով. «Հանձնաժողով ենք կազմել, օրենքներ ենք մշակում, թե ինչպես լուծել հողերի կտրտվածության խնդիրը»:}