ԱՄՆ Թենեսի նահանգում կասկածելի ծաղրածուն վախեցրել է Քլարքսվիլ քաղաքին։ Այնտեղ նա կոնֆետներ է հյուրասիրել դպրոցականներին եւ առաջարկել նստել իր ավտոմեքենան, հաղորդում է Life-ը՝ հղում անելով Clarksvillenow.com-ին։
Ծաղրածուն ավտոմեքենան կայանել է դպրոցներից մեկի մոտակայքում եւ մինչ առաջին զանգը դպրոցականներին առաջարկել մոտ գալ եւ կոնֆետ վերցնել։ Ընդ որում, նա դուրս չի եկել ավտոմեքենայից եւ չի անջատել շարժիչը։ Անծանոթի պահվածքը վախեցրել է երեխաներին, եւ նրանք փախել են։
Երբ դպրոցում իմացել են կասկածելի ծաղրածուի մասին, նա արդեն լքել է դպրոցի տարածքը։ Ծնողներն իմանալով այդ մասին՝ վախեցել են, տեղի ոստիկանապետը հրահանգել է գտնել տղամարդուն։
Շուտով ոստիկանությունը գնացել է տարօրինակ ծաղրածուի հետքերով։ Պարզվել է, որ տարեց տղամարդն իր ծննդյան օրը հագնում է ծաղրածուի կոստյում եւ երեխաներին կոնֆետներ բաժանում, այլ մտադրություններ նա չի ունեցել։
0Comments