Դուք ուշադրություն դարձրե՞լ եք, որ դա տեղի ունեցավ Ռուսաստան նրա այցից անմիջապես հետո, ճի՞շտ է. Փոմպեո

^{ԱՄՆ-ի պետքարտուղար Մայք Փոմպեոն խորհուրդ է տվել ուշադրություն դարձնել այն բանի վրա, որ Հյուսիսային Կորեան հրթիռների փորձնական արձակումներ է իրականացրել Վլադիվոստոկում Ռուսաստանի նախագահ Վլադիմիր Պուտինի հետ ԿԺԴՀ-ի առաջնորդ Կիմ Չեն Ունի բանակցություններից հետո:}

^{«Դուք ուշադրություն դարձրե՞լ եք, որ դա տեղի ունեցավ Ռուսաստան նրա այցից անմիջապես հետո, ճի՞շտ է: Նա այդ գործողությունների մասին որոշում է ընդունել Վլադիմիր Պուտինի հետ կայացած զրույցից հետո»,- ասել է ամերիկացի դիվանագետը CBS հեռուստաաիքին տված հարցազրույցում՝ պատասխանելով Փհենյանի դեմ պատժամիջոցների հնարավոր խստացման վերաբերյալ հարցին:}

^{Մայիսի 4-ին ԿԺԴՀ-ն իրականացրել է փոքր հեռահարության հրթիռների արձակումներ, որոնք այնուհետեւ Սեուլն անվանել է «ռեակտիվ արկեր»:}

^{Փոմպեոն հարցազրույցի ժամանակ նշել է որ Հյուսիսային Կորեայի դեմ «պատմության մեջ ամենախիստ» պատժամիջոցները մնում են ուժի մեջ:}

^{«Մենք դեռ գնահատում ենք (հրթիռային արձակումների – խմբ.) համարժեք պատասխանը, բայց ես ցանկանում եմ, որ ձեր լսարանն իմանա, որ մենք մտադիր ենք օգտագործել բոլոր դիվանագիտական հնարավորությունները: Ես շարունակում եմ մեր գործընկերներին հրավիրել բանակցությունների»,- ասել է Փոմպեոն, հաղորդել է «Ինտերֆաքսը»:}