Թաիլանդում լողափում սելֆիի համար կարող են մահապատժի դատապարտել

Մանրամասներ
Live24.am-ը ներկայացնում է

1

Վերջերս Փհուքեթի օդանավակայանի ղեկավարությունը զբոսաշրջիկներին կոչ է արել խուսափել Մայ Կաո լողափում սելֆի անելուց, որը գտնվում է տեղական օդանավակայանի թռիչքուղու անմիջական մերձավորությամբ, հայտնում է Turizm-ը: 

Պարզվում է, որ անմեղ թվացող զբաղմունքը կարող է խստորեն պատժվել: Մինչեւ վերջին ժամանակները լողափը հանրահայտ էր զբոսաշրջիկների շրջանում, որոնք այստեղ էին գալիս ոչ միայն լողափնյա հանգստի, այլեւ անմիջապես գլխի վերեւում թռչող օդանավերի հետ սելֆի անելու համար: Օդանավի պետի տեղակալը նախօրեին հայտարարել է լողափի այն հատվածը փակելու մասին, որի վրայով օդանավերը թռչում են: Առաջիկայում այս տարածքը կպարսպապատվի: Սակայն այս արգելքում ամենագլխավորը պատիժն է: Խախտողներին սպառնում է ոչ միայն խոշոր տուգանք, այլեւ բարձրագույն պատժաչափ՝ մահապատիժ:

1

Օդանավակայանի ղեկավարության խոսքով լուսանկարվող մարդիկ շեղում են օդաչուներին եւ հնարավոր վթարային իրավիճակներ ստեղծում: «Օդանավակայանը ցանկանում է տուրիզմից իր եկամուտները մեծացնել, բայց, միաժամանակ, անհրաժեշտ է համոզվել, որ ավիացիոն կանոնների հետ կապված ոչ մի խնդիր չի առաջանա: Զբոսաշրջությունն ու անվտանգությունը պետք է համագոյակցեն»,- հայտարարել է օդանավակայանի պետի տեղակալը:

1

Տեղի բնակիչները, որոնք օրվա ապրուստը զբոսաշրջությամբ են վաստակում, նոր արգելքն արդեն քննադատության են ենթարկել: «Եթե լողափը փակեն, մենք լուրջ խնդիրներ կունենանք, քանի որ շատ զբոսաշրջիկներ հենց այնպես այստեղ չեն գա»,- վրդովվում են շարքային թաիլանդցիները:

Նման լողափ, որտեղ օդանավերը թռչում են մարդկանց գլխի վրայով, կա նաեւ կարիբյան Սեն Մարթեն կղզում: 2020 թվականին այստեղ իսկական ողբերգություն է ծավալվել: Նոր Զելանդիայից զբոսաշրջիկը մտադրվել է օդանավի հետ լուսանկարվել, բայց շարժիչի օդի հոսանքով նետվել է ուղիղ պարսպի վրա: Ցավոք, հարվածն այնքան ուժգին է եղել, որ հանգեցրել է նորզելանդուհու մահվանը:

1