Իրանում առնվազն երկու մարդ էզոհվել, եւս ավելի քան 1,5 հազար հոգի՝ տուժել Նոր տարվան նվիրված հանդիսությունների ընթացքում: Այդ մասին հայտնել է երկրի շտապ բուժօգնության ծառայությունը:
«Հաղորդվել է, որ տարվա վերջին չորեքշաբթի օրվա հետ կապված երեկվա պատահարներում տուժել է 1676 մարդ եւ զոհվել երկու հոգի»,-մարտի 20-ին հայտնել է Իրանի շտապօգնության ղեկավար Փիրհոսեյն Կուլիվանդը IRIB կորպորացիայի լրատվական գործակալությանը:
Ամեն տարի Իրանում նշվում է Չախարշանբե-Սուրի տոնը, որի տոնակատարությունը համընկնում է իրանական օրացույցով տարվա վերջին չորեքշաբթիի գիշերվա հետ: Ավանդույթի համաձայն, այդ օրն իրանցիները ցատկում են խարույկի վրայով, տոնակատարությունների ընթացքում նաեւ օգտագործվում է հրատեխնիկա: Նոր տարվա առաջին օրը մարտի 21-ն է, հաղորդել է ՌԻԱ Նովոստին:
0Comments