ՀՀ առողջապահության նախարար Արսեն Թորոսյանն առաջարկում է էլեկտրոնային սիգարետները հարկել որպես սովորական սիգարետ, այլ ոչ թե սիգարետի հումք:
Այս մասին նա խոսեց ԱԺ մարդու իրավունքների և հանրային հարցերի մշտական հանձնաժողովի նիստում՝ անդրադառնալով նախորդ շաբաթ կառավարության նիստում ՀՀ վարչապետ Նիկոլ Փաշինյանի հետ երկխոսությանը:
«Էլեկտրոնային սիգարետները Հայաստանում չեն հարկվում որպես սովորական սիգարետներ, այլ հարկվում են որպես ծխախոտային հումք: Դա աբսուրդ է, քանի որ դա հումք չէ, այլ պատրաստի արտադրանք: Դրանով փաստացի շրջանցվում են սովորական մաքսային շրջանակները: Եվ մենք առաջարկում էինք, որ էլեկտրոնային սիգարետների համար առանձին կոդ չլիներ, այլ դա հավասարեցվեր սովորական սիգարետի կոդին»,-ասաց Թորոսյանը:
Նա նշեց, որ Հարկային օրենսգրքի նախագծում ֆինանսների նախարարությունը որոշել էր էլեկտրոնային սիգարետները հարկել առանձին տողով: «Իմ խնդիրը ոչ թե որևէ բիզնեսի վնաս տալն է, այլ սիգարետի սպառումը նվազեցնելը»,-եզրափակեց նախարարը:
Ավելի վաղ՝ մարտի 7-ին կառավարության նիստում Հարկային օրենսգրքի քննարկմանը ՀՀ վարչապետ Նիկոլ Փաշինյանը և առողջապահության նախարար Արսեն Թորոսյանը երկխոսություն էին ունեցել նախագծով առաջարկվող որոշ դրույթների մասով:
0Comments