Դե իրենք փողոցում են, իրենք փողոցից տուն չեն եկել, մնացել են փողոցում, տեսնո՞ւմ եք իրենց բառապաշարը, խոսելաձևը։
Այս մասին այսօր՝ մայիսի 8-ին, դեպի Աբովյան քաղաք երթի ժամանակ լրագրողների հետ զրույցում ասաց Տավուշի թեմի առաջնորդ Բագրատ Սրբազանը՝ անդրադառնալով լրագրողի դիտարկմանը, որ Փաշինյանին զայրացրել են խոսքերն այն մասին, որ տաճարը հաղթելու է փողոցին:
«Օրինակ բորդյուր լիզելու արտահայտությունը փողոցային չէ՞, ասֆալտ ուտելու, դուրսպրծուկ արտահայտությունները ձեզ դո՞ւր է գալիս, փողոցային չէ՞ դա: Մարդկանց վրա թքելը փողոցային չէ՞, բա տաճարը չհաղթի՞ էդ փողոցին»,-ասաց նա:
Հարցին՝ մտավախություն չունե՞ն, որ իշխանությունը կարող է խոչընդոտել վաղվա հանրհավաքին, Սիբազանն արձագանքեց. «Մենք ոչ մի անօրինական բան չենք անում»:
0Comments