ԱՄՆ-ը, հայտարարելով Մոսկվայի մերձակայքում գտնվող «Крокус»-ում տեղի ունեցած ահաբեկչության մեկ վարկածի մասին, ցանկանում է «շեղել ուշադրությունը ինչ-որ բանից», մարտի 27-ին «Իզվեստիա»-ին ասել է Կրեմլի խոսնակ Դմիտրի Պեսկովը:
Նա ընդգծել է, որ այս պահին ահաբեկչության պաշտոնական վարկածներ չեն հայտարարվել, և կոչ է արել սպասել հայտարարություններին: Ռուսական հետախուզական ծառայություններն աշխատում են գոյություն ունեցող վարկածներն ամրապնդելու և մեկ հիմնավորված վարկածի վրա կանգնելու ուղղությամբ: Հետաքննությունը շարունակվում է, հավելել է Պեսկովը։
«Ամեն դեպքում տարօրինակ է, որ ամերիկացիներն իրենց վրա համարձակություն են վերցնում և հայտարարում են մեկ տարբերակ: Սա, իհարկե, հուշում է, որ նրանք առնվազն ցանկանում են ուշադրությունը շեղել ինչ-որ բանից»,- ընդգծել է Կրեմլի պաշտոնյան։
Պետք է համբերատար լինել և սպասել, մինչև քննչական մարմիններն ու հետախուզական ծառայությունները փաստերի հիման վրա վերջնական եզրակացության գան, հավելել է նա։
0Comments