Իսրայելի վարչապետ Բենիամին Նեթանյահուն մեկնաբանել է Բրազիլիայի նախագահ Լուիս Ինասիո Լուլա դա Սիլվայի հայտարարությունը, ով Գազայի հատվածում հրեական պետության գործողությունները համեմատել է նացիստական Գերմանիայի առաջնորդ Ադոլֆ Հիտլերի՝ հրեաների դեմ հանցագործությունների հետ։
Նախարարների կաբինետի ղեկավարի խոսքերը տրված են նրա պաշտոնական Telegram ալիքում։ Նեթանյահուն Բրազիլիայի նախագահի խոսքերն անվանել է «ամոթալի»։
«Խոսքը վերաբերում է Հոլոքոստը «էժանացնելուն» և հրեա ժողովրդին և Իսրայելի ինքնապաշտպանության իրավունքին վնասելու փորձին»,- ասել է նա:
Ըստ վարչապետի՝ այս համեմատությունը «հատում է կարմիր գիծը»։
Միաժամանակ, նա նշել է, որ հրեական պետությունը պայքարում է իրեն պաշտպանելու և իր ապագան ապահովելու համար մինչև լիակատար հաղթանակ՝ հարգելով միջազգային իրավունքը։
Նեթանյահուն նաև ասել է, որ ինքը և Իսրայելի արտգործնախարար Իսրայել Կացը որոշել են անհապաղ կանչել Իսրայելում Բրազիլիայի դեսպանին:
0Comments