Վրաստանը հայտնվել է եվրոպական այն երկրների հնգյակում, որտեղ գիշերն անվտանգ է

Վրաստանը չորրորդ տեղն է զբաղեցրել Եվրոպայի երկրների թվում, որտեղ զբոսաշրջիկները կարող են անվտանգ տեղաշարժվել ոչ միայն ցերեկը, այլև գիշերը:

Այս մասին հաղորդում է Վրաստանի հանրային հեռարձակող ընկերությունը՝ վկայակոչելով Numbeo.com կայքի և World of Statistics-ի տվյալները:

Վիճակագրական տվյալների համաձայն՝ Վրաստանը հետ է մնում Խորվաթիայից, Սլովենիայից և Իսլանդիայից:

Numbeo.com-ը սերբական կայք է, որն աշխարհում խոշորագույն տվյալների բազան է կյանքի արժեքի և որակի վերաբերյալ: