Երևանում ՌԴ դեսպանատան մոտ ռուս ընդդիմադիր քաղաքական Ալեքսեյ Նավալնիի մահվան կապակցությամբ ինքնաբուխ ակցիա է ընթանում։ Նրանց են միացել նաև Հայաստանում ապրող ռուսաստանցիները։
Ակցիայի մասնակցիները հայհոյանքներ են հնչեցնում ՌԴ նախագահ Վլադիմիր Պուտինի, RT-ի գլխավոր խմբագիր Մարգարիտա Սիմոնյանի հասցեին։
ՌԴ դեսպանատան դիմաց նաև կազմակերպվել է մոմավառություն՝ ի հիշատակ Ալեքսեյ Նավալնիի։
Փետրվարի 16-ին Ռուսաստանում ընդդիմադիր գործիչ Ալեքսեյ Նավալնին մահացել է ուղղիչ գաղութում։ ՌԴ Դաշնային քրեակատարողական ծառայությունը հաղորդել է, որ կատարվել են բոլոր անհրաժեշտ վերակենդանացման միջոցառումները, որոնք դրական արդյունք չեն տվել։
0Comments