Հայաստանի իշխանությունները վճռական են տրամադրված Միջազգային քրեական դատարանի Հռոմի ստատուտի ամբողջությամբ վավերացնելու հարցում, այս գործընթացը կապված չէ Ռուսաստանի հետ։
Այս մասին ԱԺ-ում հայտարարել է ՀՀ վարչապետ Նիկոլ Փաշինյանը։
«Կառավարությունը Հռոմի կանոնադրությունն ուղարկել է խորհրդարան, մենք ունենք քաղաքական որոշում այն ամբողջությամբ վավերացնելու համար, դա ուղղված չէ Ռուսաստանի դեմ, այլ կապված է մեր անվտանգության խնդիրների հետ»,- նշեց նա։
Հիշեցնենք, որ Հաագայի Միջազգային քրեական դատարանի (ՄՔԴ) կողմից ՌԴ նախագահ Վլադիմիր Պուտինին ձերբակալման օրդեր է տրվել։
Միջազգային պայմանագրերի մասին ՀՀ օրենքի համաձայն՝ ՀՀ ստորագրած կամ միանալու ենթակա միջազգային պայմանագիրը ՀՀ-ի համար պարտադիր իրավաբանական ուժ է ստանում անհրաժեշտ ներպետական ընթացակարգերն ավարտելուց հետո՝ ՀՀ Ազգային ժողովի կողմից վավերացվելու կամ ՀՀ նախագահի կողմից հաստատվելու միջոցով։
Ուստի հարց է առաջանում․ եթե Վլադիմիր Պուտինը գա Հայաստան, պետք է ձերբակալե՞ն, թե՞ կարող են չձերբակալել նրան։
0Comments