Ես երբեք ռուսամոլ չեմ եղել ու չեմ լինելու. ես համարել եմ ու համարում եմ, որ այո, ՌԴ-ն մեր լավագույն դաշնակիցն է, որովհետեւ այլընտրանք չկա: Այս մասին այսօր՝ մարտի 7-ին, լրագրողների հետ զրույցում նշեց ՀՀ երրորդ նախագահ Սերժ Սարգսյանը:
«Նրանք, որոնք ուզում են գալ մեր տարածաշրջան, ի՞նչ են մեզ առաջարկում, իսկ ովքեր այդ գաղափարն առաջ են տանում, պայմանավորվածություն ունե՞ն, ՆԱՏՕ-ն գալու է այստեղ ռազմաբազա դնի՞, եվրոպական որեւէ երկիր Ղարաբաղում կոնտինգենտ է ունենալո՞ւ:
Ես երբեք հակաեվրոպա էլ չեմ եղել: Այսինքն իմ կշտամբանքը վերաբերում է ոչ թե ՆԱՏՕ-ին կամ ԵՄ-ին, այլ այն ավանտյուրիստներին, որոնք ինչ-ինչ հանգմանքներից ելնելով փորձում են այստեղ ամեն ինչը պղտորել, իսկ պղտորելը լավ բանի չի կարող բերել»,-ասաց նա:
Սերժ Սարգսյանն անդրադաձավ նաեւ նրան, որ Հայաստանը դիվանագիտական քայլերով կարող է ինչ-որ կերպ զսպել Ադրբեջանին. «Հայաստանի որեւէ հայտարարություն Բաքվին չի կարող զսպել: Միջազգային մի քանի ուժեր կան, նույնիսկ առանձին երկրներ, որոնք ցանկության դեպքում կարող են Ադրբեջանին սսկեցնել»,-ասաց նա:
0Comments