Նախիջեւանի առանձին համակցված բանակում անցկացվել են հրամանատարաշտաբային զորավարժություններ։
Ինչպես հայտնում են ադրբեջանական լրատվամիջոցները՝ հղում տալով Ադրբեջանի պաշտպանության նախարարությանը, զորավարժությունների նպատակը շտաբների եւ անձնակազմի մարտական հմտությունների կատարելագործումն է։
«Առանձին համակցված բանակի 2023 թվականի մարտական պատրաստության ծրագրի համաձայն՝ զորավարժություններում ներգրավված կազմավորումներն ու զորամասերը բարձրացվել են «Տագնապի» ազդանշանի եւ հետ են քաշվել զորավարժությունների տարածքներ՝ զորքերը մարտական տարբեր աստիճանների պատրաստվածության բերելու համար։
Զորավարժության հաջորդ փուլում գործողություններ են ծրագրվել հրամանատարական կետերում, կազմվել են զեկույցներ գործողության տարբեր ոճերի մասին, հստակեցվել են գործնական գործողություններ կատարող ստորաբաժանումների խնդիրները, կազմվել պլաններ եւ հաշվետվություններ՝ ստորաբաժանումների փոխգործակցությունը կազմակերպելու եւ նրանց համակողմանի աջակցությունը կազմակերպելու համար», - մեջբերել են լրատվամիջոցները։
0Comments