Գերմանիան և Ֆրանսիան պաշտպանում են Իսլամական հեղափոխության պահապանների կորպուսը (ԻՀՊԿ, Իրանի զինված ուժերի էլիտար ստորաբաժանումներ) որպես ահաբեկչական կազմակերպություն Եվրամիությունում դասակարգելու գաղափարը։ Այս մասին կիրակի երեկոյան հայտնել է բրիտանական Financial Times թերթը ՝ հղում անելով այս հարցի քննարկմանը ծանոթ աղբյուրներին։
Նրանց խոսքով՝ Բեռլինն ու Փարիզը աջակցել են Իսլամական հեղափոխության պահապանների կորպուսի ընդգրկմանը ահաբեկչական կազմակերպությունների ցուցակում ԵՄ անդամ երկրների արտգործնախարարների վերջերս կայացած հանդիպմանը։ Սպասվում է, որ երեք շաբաթվա ընթացքում ԵՄ իրավաբանական ծառայությունը կարծիք կպատրաստի այս միջոցառման օրինականության վերաբերյալ։
ԵՄ արտաքին քաղաքականության պատասխանատու Խոսեպ Բորելը, որին մեջբերում է հրատարակությունը, հաստատել է, որ «անդամ շատ երկրներ աջակցում են այս առաջարկին»։
Միաժամանակ թերթի աղբյուրները հավելել են, որ Ֆրանսիան ավելի շահագրգռված է ահաբեկչական ճանաչել ոչ թե ամբողջ Իսլամական հեղափոխության պահապանների կորպուսը, այլ միայն նրա տարածաշրջանային ստորաբաժանումներից մի քանիսը։
0Comments