Գիշերն եմ վերադարձել գործուղումից, երևի այսօր կայցելեմ հրդեհից տուժած զինվորներին․ Անահիտ Ավանեսյան

Մանրամասներ

Հրդեհից տուժած երեք զինծառայողներից մեկի առողջության հետ կապված մի փոքր ծանրացում ունեինք և բուժման մեջ փոփոխություններ մտցնելու արդյունքում այս պահին բոլորի վիճակը գնահատվում է բավարար։ Հույս ունենք, որ բոլորը առողջացումով տուն կգնան, վտանգ այս պահին չկա։ Այս մասին լրագրողների հետ ճեպազրույցի ժամանակ ասաց Առողջապահության նախարար Անահիտ Ավանեսյանը։

Հարցին՝ այցելել է արդյոք հիվանդանոցում գտնվող զինվորներին, Ավանեսյանը ասաց․«Գիշերն եմ այցելել գործուղումից, երևի այսօրվա ընթացքում կայցելեմ»։

Դիտարկմանը՝ որպես քաղաքական թիմի անդամ՝ ի՞նչ գնահատական կարող է տալ այն պայմաններին, որում մնում էին զինծառայողները, նախարարը նշեց․

«Կառավարության նիստի ժամանակ թե՛ վարչապետի և թե՛ զինդատախազի կողմից լսեցիք հնչած բոլոր գնահատականների և առաջիկա անելիքների մասին և բոլոր գերատեսչություններս միասին պետք է անենք ամեն ինչ, որպեսզի բացառենք նման դեպքերը։ Երկու տարվա ընթացքում մեծածավալ աշխատանքներ արվել են, բայց ինչպես ականատես ենք, դա բավարար չէ, կան տեղեր,  որոնց պահման պայմանները բավարար չեն»։