Ֆրանսիայի նախագահ Էմանուել Մակրոնը հայտարարել է, որ Ֆրանսիան և արևմտյան մյուս երկրները չեն ձգտում ոչնչացնել Ռուսաստանը։ Այս մասին նա ասել է ամերիկյան CBS հեռուստաալիքի հետ զրույցում։
Մակրոնի կարծիքով՝ Մոսկվայում «որոշակի վրդովմունք» են զգում և կարծում են, որ արևմտյան երկրները ձգտում են «ոչնչացնել Ռուսաստանը»։
«Չեմ կարծում, որ մեր ձգտումը դա է։ Մենք Ֆրանսիայում երբեք նման ձգտում չենք ունեցել։ Ավելին՝ մշակութային ու պատմական տեսակետից մենք սերտ հարաբերություններ ունենք։ Եվ մենք միշտ հարգել ենք Ռուսաստանի ժողովրդին», - ասել է Ֆրանսիայի նախագահը։
Ավելի վաղ CBS-ի հետ զրույցում Մակրոնն ասել էր, որ անմիջական կապ է պահպանում ՌԴ նախագահ Վլադիմիր Պուտինի հետ, քանի որ կարծում է, որ փոխգործակցությունը վերսկսելու լավագույն միջոցը դա է։
0Comments