Հայաստանում ժամանակավոր գրանցված ռուսաստանցիների թիվը քառապատկվել է. РБК

Մանրամասներ
Live24-ը ներկայացնում է
ա

Հայաստանում սեպտեմբերի 21-ից նոյեմբերի 11-ն ընկած ժամանակահատվածում իրենց բնակության վայրում գրանցվել է 2820 ռուսաստանցի, հայտնել են Հայաստանի ոստիկանության մամուլի ծառայությունից՝ ի պատասխան РБК-ի հարցման։

Սա գրեթե չորս անգամ ավելի է, քան նախորդ տարվա նույն ժամանակահատվածում գրանցված տվյալները. այն ժամանակ ժամանակավոր գրանցում էր ստացել Ռուսաստանի 722 քաղաքացի:

Բնակության թույլտվության համար դիմումների թիվը նույնպես ավելացել է ռուսների շրջանում՝ մեկուկես ամսում կացության թույլտվության համար դիմել է 708 մարդ։ Նախորդ տարվա նույն ժամանակահատվածում դիմումների թիվը եղել է 2,5 անգամ պակաս՝ 277: Այս ընթացքում կացության թույլտվություն է ստացել 273 մարդ, նախորդ տարի՝ 257 մարդ։

Ռուսաստանի քաղաքացիները տարվա ընթացքում Հայաստանում գտնվելու իրավունք ունեն ոչ ավելի, քան 180 օր։ Եթե ռուսաստանցին նախատեսում է երկրում մնալ ավելի քան 30 օր, ապա նա պետք է գրանցվի բնակության վայրում:

Սեպտեմբերի 21-ին Ռուսաստանում մասնակի մոբիլիզացիա է հայտարարվել։ Համապատասխան հրամանագրից հետո հսկայական խցանումներ են գոյացել Վրաստանի, Ղազախստանի և Ֆինլանդիայի հետ սահմաններին։ Ամենալարված իրավիճակը Վերին Լարսի անցակետում էր: