Ադրբեջանի ԱԳ նախարար Ջեյհուն Բայրամովը կոչ է արել միջազգային հանրությանը «ճնշում գործադրել Հայաստանի վրա», հայտնում են ադրբեջանական լրատվամիջոցները:
Նրա պնդմամբ՝ «Հայաստանն ամբողջությամբ դուրս չի բերել իր զինված ուժերն «Ադրբեջանի տարածքից» (նկատի ունի Արցախը), ինչպես պահանջում է 2020 թվականի նոյեմբերի 9-ի եռակողմ հայտարարությունը:
Նա նաև անդրադարձել է այսպես կոչված «Զանգեզուր միջանցքին»՝ հայտարարելով, որ «Ադրբեջանը, եռակողմ հայտարարության համապատասխան կետի համաձայն, գործնական քայլեր է ձեռնարկում տարածաշրջանում հաղորդակցությունների բացման ուղղությամբ»։
«Տվյալ դեպքում անհրաժեշտ է կատարել «Զանգեզուրի միջանցքի» բացման պարտավորությունները։ Դա կարող է կարևոր ներդրում դառնալ տարածաշրջանի ողջ ներուժի օգտագործման, ինչպես նաև խաղաղության կառուցման գործընթացում»,- ասել է նա։
0Comments