ԱՄՆ Հանրապետական և Դեմոկրատական կուսակցություններից 16 սենատորներ Պենտագոնի ղեկավար Լլոյդ Օսթինին խնդրել են վերանայել Ուկրաինային MQ-1C Grey Eagle գրոհային անօդաչու սարքեր չմատակարարելու որոշումը, գրում է Wall Street Journal-ը՝ վկայակոչելով կոնգրեսականների նամակը։
«Ուկրաինային MQ-1C-ով ապահովելը երկարաժամկետ հեռանկարում կարևոր քայլ է»,- ասվում է նամակում։ Դրա հեղինակները համոզված են, որ Gray Eagle-ը կարող է արդյունավետ կիրառվել Ուկրաինայում։
Ավելի վաղ հաղորդվել էր, որ Պենտագոնը ձեռնպահ է մնացել Ուկրաինային Gray Eagle մատակարարելուց՝ վախենալով, որ գաղտնի տեխնոլոգիաները կարող են հայտնվել ռուս զինվորականների ձեռքին։
Grey Eagle անօդաչու թռչող սարքը կարող է կրել չորս Hellfire հրթիռ և անցնել գրեթե 8000 կմ տարածություն 30 ժամ շարունակական թռիչքի ընթացքում։
0Comments