Արմեն Աշոտյանը հրավիրվել է Քննչական կոմիտե

Մանրամասներ
Live24-ը ներկայացնում է

ՀՀԿ փոխնախագահ Արմեն Աշոտյանը հրավիրվել է Քննչական կոմիտե։ Այս մասին ֆեյսբուքյան էջում գրել է փաստաբան Տիգրան Աթանեսյանը։

«Ժամը 20:30-ին Արմեն Աշոտյանը հրավիրվել է Քննչական կոմիտեի ՀԿԳ քննության գլխավոր վարչություն՝ Մամիկոնյաց 46/5»,- նշել է նա:

Հիշեցնենք, որ այսօր ավելի վաղ Աշոտյանը հայտնել էր, որ «Զվարթնոց» օդանավակայանում անձնագրային ստուգման փուլում իրեն արգելել են լքել հանրապետության տարածքը՝ նշելով, որ ինքը մեղադրյալի կարգավիճակ ունի։

Նա պատրաստվում էր Լիսաբոնում մասնակցել ԵԺԿ Քաղաքական համաժողովին։