Ամփոփվել են MTV Europe Music Awards-ի արդյունքները, հաղորդվում է երաժշտական մրցանակաբաշխության պաշտոնական թվիթերյան էջում։
Տարվա լավագույն կին արտիստ է ճանաչվել Թեյլոր Սվիֆթը։ Նա նաև մրցանակների է արժանացել «Լավագույն տեսահոլովակ» (All Too Well) և «Լավագույն փոփ» անվանակարգերում:
Տարվա երգ է ճանաչվել Նիկի Մինաժի Super Freaky Girl-ը:
«Լավագույն համագործակցություն» անվանակարգում I'm Good երգի համար պարգևատրվել են Բիբի Ռեքսան և Դեյվիդ Գետտան:
Նոր երաժիշտների շարքում հաղթել է SEVENTEEN խումբը։
Լատինական երաժշտության լավագույն կատարող է ճանաչվել Անիտան։
Նիկի Մինաժը դարձել է հիփ-հոփի գլխավոր արտիստը, իսկ Դեյվիդ Գետտան՝ գլխավոր էլեկտրոնային երաժիշտը։
«Լավագույն ռոք» անվանակարգում հաղթել է Muse-ը, «Լավագույն այլընտրանքային երաժշտություն» անվանակարգում՝ Gorillaz-ը։ R&B ժանրի ներկայացուցիչներից մրցանակը բաժին է հասել Chlöe-ին։
MTV European Music Awards մրցանակաբաշխությունը կայացել է Դյուսֆելդորֆում։
0Comments