Ակնկալում ենք, որ գազի, էլեկտրաներգիայի սակագներն իջնելու են․ Մարտին Գալստյան

Մանրամասներ
Live24.am-ը ներկայացնում է

1

Քանի որ մեր գործընկերները բազմիցս հայտարարել են, որ գազի, էլեկտրաէներգիայի սակագնի մեջ էական բաղադրիչ է արժութային փոխարժեքը, մենք ակնկալում ենք, որ ինչ-որ ժամանակ անց մեր գազի, էլեկտրաէներգիայի սակագինը իջնելու են: Այս մասին այսօր՝ նոյեմբերի 1-ին, մամուլի ասուլիսի ժամանակ նշեց ԿԲ նախագահ Մարտին Գալստյանը:

«Բաղադրիչները, որոնք մտնում են գնի ձեւավորման հաշվարկման մ,եջ, դոլարային են: Դոլարի փոխարժեքը իջել է, բնականաբար, պետք է որոշակի ճշգրտում լինի»,-ասաց նա:

«Ինչ վերաբերում է միջանկյալ կամ մեծածախ ապրանքներին, այստեղ նույնպես, քանի որ հումքի ներմուծման հիմնական երկրներում եւ ընդհանուր համաշխարհային տնտեսությունում տեղի ունեցող միտումները վկայում են, որ պահանջարկի անկում է լինելու, դրա ֆոնին ակնկալում ենք, որ գների որոշակի ճշգրտում է լինելու: Թե ինչ տոկոսով, այս պահին կդժվարանամ ասել: Հաշվարկն արել ենք, բայց այս պահին ձերզ կմնանք այդ թիվը հրապարակելուց»,-ասաց ԿԲ նախագահը: