Որոնողական խմբի անդամները արգենտինացի ֆուտբոլիստ Էմիլիանո Սալայի ինքնաթիռի բեկորների մոտ մարմին են գտել: Հիշեցնենք, որ ինքնաթիռում ֆուտբոլիստից բացի եղել է միայն օդաչուն:
Ինչպես հայտնում է Sky Sports-ը, մարմինը հայտնաբերվել է ստորջրյա գործողությունների արդյունքում: Աղբյուրի փոխանցմամբ, այն երևացել է որոնողական աշխատանքների ժամանակ արված տեսանյութում:
Ավելի վաղ հայտնել էինք, որ փրկարարները Լա Մանշում գտել էին անհետացած ինքնաթիռի բեկորները:
Հունվարի 29-ին 28-ամյա արգենտինացին պետք է «Քարդիֆի» կազմում մասնակցեր «Արսենալի» դեմ խաղին: Ցավոք, «Նանտից» «Քարդիֆ» տրանսֆերի հաջորդ օրը ֆուտբոլիստին Ուելս տեղափոխող մասնավոր ինքնաթիռն անհետացավ:
0Comments