Եթե մինչև շաբաթվա վերջ Ռուսաստանը հարձակողական գործողություն չսկսի, Ուկրաինայի զինված ուժերը կսկսեն Դնեպրի աջ ափին գտնվող ռուսական զորքերի համակարգված ոչնչացումը։ Նման կարծիք է հայտնել ռազմական հայտնի փորձագետ Օլեգ Ժդանովը Telegram-ում։
Ժդանովի խոսքով՝ այժմ ռազմավարական խաղ է ընթանում՝ ով ում ուր կքաշի։ «Առաջին անգամ այս պատերազմում մենք փորձում ենք մեր խաղը պարտադրել Ռուսաստանի Դաշնությանը, մենք ստիպել ենք նրա զորքերին հյուսիսից հարավ շարժվել: Միևնույն ժամանակ, Ռուսաստանը հարվածային ուժ է ստեղծել Ուկրաինայի հարավում և փորձում է քաշել մեր ուժերը որքան հնարավոր է դեպի հյուսիս՝ իր զանգվածային հարձակման պատրանքի ուղղություն, թեև այնտեղ ռեզերվներ չունի», նշել է փորձագետը։
Նա ընդգծել է, որ ուկրաինացի պաշտպանների հիմնական խնդիրն է պահել պաշտպանությունն առանց այնտեղ զորքեր տեղափոխելու։ «Սա ռազմավարական խաղ է, որը տեղի է ունենում այսօր ամբողջ ճակատով, բայց Ռուսաստանը ժամանակ ունի մինչև շաբաթվա վերջ: Եթե մինչև շաբաթվա վերջ նրանք չսկսեն հարձակողական գործողություն, մենք կսկսենք Դնեպրի աջ ափին ռուսական խմբավորման համակարգված ոչնչացումը»,- համոզված է Ժդանովը։
0Comments