Առաջին մշտական ծովային խմբի նավերը մտել են Բալթիկ ծով եւ մասնակցելու են հարեւան դաշնակից երկրների ու գործընկեր պետությունների հետ զորավարժություններին: Այդ մասին, ինչպես տեղեկացնում Է «Արմենպրես»-ը, հաղորդել Է ERR հեռուստառադիոհեռարձակող պորտալը:
«Բալթիկ ծով Է մտել ՆԱՏՕ-ի արագ արձագանքման SNMG1 մշտական ծովային խմբի նավերի մի մասը: Մյուս նավերն ուրբաթ օրը կգան Տալլինի նավահանգստի հին կրուիզային տերմինալ: Առաջնահերթ խնդիրն Է՝ ցույց տալ Բալթիկ ծովի տարածաշրջանում դաշնակիցների ներկայությունը եւ համատեղ զորավարժություններ անցկացնել Էստոնիայի ռազմածովային նավատորմի հետ»,-հետեւում Է պորտալի հաղորդագրությունից:
Էստոնիայի ռազմածովային ուժերի հրամանատար Յուրի Սասկայի խոսքով՝ հաջորդ շաբաթ պլանավորվում Է համատեղ վարժանքներ սկսել Էստոնիայի ծովային հետեւակայինների հետ: Նավահանգստում արդեն կանգնած երեք ֆրեգատները եկել են Նորվեգիայի միջազգային հյուսիսային ջրերից: Նրանք այնտեղ մասնակցել են «Սառը պատասխան» անվանումը կրող զորավարժություններին: Սպասվում Է, որ տերմինալում գտնվող ՆԱՏՕ-ի նավերին հաջորդ շաբաթ փոխարինելու կգա արդեն դաշինքի ռազմածովային ուժերի մեկ այլ խումբ, հաղորդել Է «Ինտերֆաքս»-ը:
0Comments