Միացյալ Նահանգները կարծում է, որ Ռուսաստանը չպետք է որոշի, թե երրորդ երկրներն ում հետ պետք է դաշնակցային հարաբերություններ ունենան։ Այս մասին շաբաթ օրը լրագրողներին ասել է Սպիտակ Տան ներկայացուցիչը, փոխանցում են press time-ը և Ռիա Նովոստին։
«Մենք կարծում ենք, որ Ռուսաստանը չէ, որ պիտի որոշի այլ երկրների փոխարեն, թե ում հետ նրանք կարող են դաշնակցային հարաբերություններ ունենալ»,- ասել է ամերիկացի պաշտոնյան՝ մեկնաբանելով ՆԱՏՕ-ից անվտանգության երաշխիքներ տրամադրելու Ռուսաստանի Դաշնության պահանջը։
Սպիտակ Տան խոսնակն ընդգծել է, որ Ռուսաստանի Դաշնության պահանջների թվում կան այնպիսիք, որոնց հետ ԱՄՆ-ը «երբևէ մտադիր չէ համաձայնվել»։
0Comments