Թուրքիան սկսել է ԱՄՆ-ից F-16 կործանիչների գնման ընթացակարգը

Մանրամասներ
Live24.am-ը ներկայացնում է

ա

Թուրքիայի պաշտպանության նախարար Հուլուսի Աքարը հայտարարել է ԱՄՆ-ից F-16 կործանիչների գնման ընթացակարգի մեկնարկի մասին։ Թուրքիայի նախագահ Թայիփ Էրդողանը ավելի վաղ հայտարարել էր, որ ԱՄՆ-ն իր երկրին առաջարկել է գնել F-16 կործանիչներ այն բանից հետո, երբ այն դուրս է մնացել F-35 մատակարարման ծրագրից։

«F-16-ների մատակարարման տեխնիկական աշխատանքները սկսվել են: Մենք վերահսկում ենք այս գործընթացը: Թուրքիայի ուժեղացումը նշանակում է նաև ՆԱՏՕ-ի պաշտպանունակության ուժեղացում»,- Աքարի խոսքը մեջբերում է Թուրքիայի ՊՆ կայքը:

Նա նշել է, որ F-16-ների խմբաքանակը, որն արդեն ծառայում է թուրքական բանակին, պահանջում է արդիականացում։

«Միացյալ Նահանգներից՝ որպես մեր դաշնակից և բարեկամ, մենք ակնկալում ենք ոչ միայն 70 Viper F-16 ինքնաթիռների մատակարարում, այլև ներդրում Թուրքիայի ռազմական ինքնաթիռների արդիականացման գործում»,- հավելել է Աքարը։