Ընդդիմադիր «Հայաստան» դաշինքի պատգամավոր Արթուր Ղազինյանից իշխանություններից ոչ մեկը չի վախենում: Դա սուտ է: Այս մասին հոկտեմբերի 8-ին ՀՀ ԱԺ-ում ավանդական ճեպազրույցների ժամանակ ասաց իշխող «Քաղաքացիական պայմանագիր» կուսակցության պատգամավոր Վահագն Ալեքսանյանը` ի պատասխան հարցին, թե այդ ինչ լիազորություններ ունի պաշտպանության եւ անվտանգության հարցերի մշտական խորհրդարանական հանձնաժողովի փոխնախագահը, որ իշխող կուսակցության պատգամավորները այդքան համառորեն չեն ընտրում նրան:
Ըստ պատգամավորի` Արթուր Ղազինյանը բոլորովին այն մարդը չէ, ով ունակ է վախ ներշնշել:
«Երկրորդ, հանձնաժողովի նախագահի տեղակալը ոչ մի հատուկ լիազորություններ չունի: Նա ունի միայն մեկ լիազորություն, նա վարում է նիստը, երբ խորհրդարանական մշտական հանձնաժողովի նախագահը բացակայում է: Արթուր Ղազինյանի թեկնածության մերժման պատճառը կարելի է գտնել հանձնաժողովի նիստերի տեսաձայնագրություններում: Պատճառները շատ են: Օրինակ, դրանցից մեկն այն է, որ Արթուր Ղազինյանը չի ծառայել Հայաստանի զինված ուժերում»,- ասաց Ալեքսանյանը:
Հարցին, թե այդ դեպքում ինչո՞ւ բանակում չծառայած մարդը կարող է Հայաստանի վարչապետ լինել, իսկ Պաշտպանության եւ անվտանգության հարցերի մշտական հանձնաժողովի փոխնախագահը, խորհրդարանականը պատասխանեց, որ դրա համար առնվազն պետք է պատկերացում ունենալ զինված ուժերի կառուցվածքի մասին:
«Արթուր Ղազինյանն այդ պատկերացումը չունի»,- վստահեցրեց Ալեքսանյանը:
Նա որպես պատճառ նշեց նաեւ Ղազինյանի ֆինանսական միջոցների վերաբերյալ հստակ տեղեկատվության բացակայությունը:
«Ավելին, Ղազինյանը դրական կարծիք հայտնեց երկրի ներքաղաքական կյանքում Զինված ուժերի ներգրավվածության վերաբերյալ»,- դժգոհեց պատգամավորը:
Հարցին` արդյո՞ք իշխող մեծամասնությունը նախընտրելի թեկնածու ունի, Ալեքսանյանը պատասխանեց, որ իրենք նախընտրելի թեկնածու չունեն:
«Կա միայն անցանկալի թեկնածու, դա Արթուր Ղազինյանն է»,- ամփոփեց խորհրդարանականը:
0Comments