Կորոնավիրուսային համավարակի միջոցառումների շրջանակներում առողջապահության նախարարությունը ծախսել է մոտ 5․9 մլրդ դրամ

Այդ գումարից ավելի քան 651 մլն դրամը հատկացվել է պարգևատրումների համար
կորոնավիրուս

ՀՀ առողջապահության նախարարությունը հաղորդագրություն է տարածել կորոնավիրուսային համավարակի միջոցառումների շրջանակներում առողջապահության նախարարության կողմից կատարած ծախսերի վերաբերյալ։ 

«Հայաստանի Հանրապետությունում կորոնավիրուսային համավարակի (COVID-19) կանխարգելման, վերահսկման, բուժման և այլ համալիր միջոցառումների շրջանակներում  առողջապահության նախարարության կողմից իրականացված փաստացի ծախսերի մասով կից տրամադրվում է տեղեկատվություն` 2020 թվականի մարտից մինչև հուլիսի 1-ն ընկած ժամանակահատվածի համար:

Աղյուսակում ներառված է բացառապես առողջապահության նախարարության կողմից իրականացված ծախսերը, քանի որ ծախսեր եղել են բազմաթիվ այլ գերատեսչությունների կողմից։

Պայմանավորված համավարակով՝ ծախսերը կրում են շարունակական բնույթ, որոնց մասին տեղեկատվությունը պարբերաբար կթարմացվի։