Զինված անհայտ անձինք ներխուժել են Փարիզի Peninsula թանկարժեք հյուրանոցն ու գողացել շուրջ 350-400 հազար եվրո արժողությամբ թանկարժեք իրեր և հագուստ: tert.am-ի փոխանցմամբ՝ հայտնում է «РИА Новости»-ն:
Նշվում է, որ չարագործներից մեկը հրազենով սպառնացել է հյուրանոցի աշխատակիցներին, սակայն ոչ մի կրակոց այդպես էլ չի արձակել: Կացնի օգնությամբ գողերն անցք են բացել ցուցափեղկերից չորսի վրա և թալանել դրա վրա առկա ապրանքը, այդ թվում՝ «լյուքս» կարգի թանկարժեք իրեր և հագուստ:
«Հասցված վնասի չափը նախնական գնահատվում է 350-400 հազար եվրո: Գույքագրումը դեռ շարունակվում է»,- հայտնում է աղբյուրը:
Հանցանքի վայրից չարագործները կարողացել են փախչել իրենց հանցակցի օգնությամբ, որն սպասել է ավտոմեքենայի մեջ: Հետագայում մեքենան այրված են գտել: Գողերին գտնել դեռ չի հաջողվել:
Փարիզի ոստիկանությունն այդ ուղղությամբ շարունակում է աշխատանքներ իրականացնել:
0Comments