Ռուսաստանի ազգային անվտանգության խորհրդի քարտուղար Սերգեյ Շոյգուն Թեհրանից մեկնել է Բաքու՝ նախազգուշացնելու Ալիևին՝ չմիջամտել։ Այս մասին տեղեկացնում է ParsToday-ը։
Հիշեցնենք, որ ՌԴ Անվտանգության խորհրդի քարտուղար Շոյգուն աշխատանքային այցով գտնվում է Իրանում: Թեհրանում նա բանակցություններ է վարել Ազգային անվտանգության բարձրագույն խորհրդի քարտուղարի և Գլխավոր շտաբի պետի հետ։ Հանդիպմանը Շոյգուն հայտարարել է տարածաշրջանային ընթացիկ խնդիրների լուծման գործում Ռուսաստանի և Իրանի միջև լիարժեք համագործակցության մասին։ Ժամեր առաջ ՌԴ Անվտանգության խորհրդի քարտուղարին ընդունել էր նաև Իրանի նորընտիր Նախագահ Մասուդ Փեզեշքիանը, և ընդգծել, որ Ռուսաստանը դժվարին պահերին աջակցել է Իրանի ժողովրդին, իսկ հարաբերությունների զարգացումը Իրանի առաջնահերթություններից է։
0Comments