Առնվազն երեք հրթիռ է արձակվել Իրաքում ԱՄՆ դեսպանատան ուղղությամբ

Մանրամասներ
իրաք

Դեկտեմբերի 8-ին Իրաքի մայրաքաղաք Բաղդադում ԱՄՆ դեսպանատան ուղղությամբ առնվազն երեք հրթիռ է արձակվել, հայտնում է DW-ն։

«Երեք «Կատյուշա» հրթիռները, որոնք ուղղված են եղել ամերիկյան դեսպանատան վրա, ընկել են Տիգրիս գետի մոտ», - AFP-ին է ասել Իրաքի ուժային ծառայությունների ներկայացուցիչը:

Իր հերթին, ամերիկյամ զինվորականներիներկայացուցիչը, անանունության պայմանով, ասել է, որ լսվել  են տագնապի ազդանշաններ և «պայթյունների ակնհայտ ձայներ» են հնչել  ԱՄՆ դեսպանատան և Union III ռազմաբազայի մոտ, որտեղ տեղակայված են միջազգային հակաահաբեկչական կոալիցիայի զորքերը։ ԱՄՆ-ը 2500 զինվոր է տեղակայել Իրաքում, ևս 900-ը՝ Սիրիայում՝ «Իսլամական պետության» վերականգնումը կանխելու համար։

Հոկտեմբերի սկզբին Իսրայելի և պաղեստինյան ահաբեկչական ՀԱՄԱՍ շարժման միջև պատերազմի սկսվելուց ի վեր սա առաջին դեպքն է, երբ Իրաքի մայրաքաղաքում ԱՄՆ դեսպանատունը հարձակման է ենթարկվում: