Այսօր ԱՀ նախագահ Արայիկ Հարությունյանից Արցախի Ազգային ժողովի պատգամավորները հետաքրքրվել են, թե ինչ վերաբերմունք ունի նա լրտեսության ու դավաճանական դեպքերի նկատմամբ:
Փորձել են պարզել՝ արդյոք ժամանակը չէ՞ մահապատիժ կիրառել նման դեպքերի համար։
Հարությունյանն այդ առթիվ պարզաբանել է.
«Ես չեմ գտնում, որ դա ճիշտ է։ Իրականում մենք այլ բան պետք է մտածենք:
Եթե անկեղծ լինենք, այդ մարդիկ մոլորված մարդիկ են: Իրականում նրանց քայլը դավաճանական է, բայց նրանք մոլորված մարդիկ են, մոլորված, խաբված, ուղեղը լվացված:
Մարդը փողի դիմաց վերլուծություն է տալիս Ղարաբաղում ստեղծված իրավիճակի վերաբերյալ՝ չհասկանալով, որ անվճար ոչ մի բան չկա աշխարհում:
Իբր մի ֆրանսիացու անվան տակ, որ հետաքրքրվում է Ղարաբաղի ներքաղաքական կյանքով, թե որ քաղաքական գործիչն ինչպիսի բան ունի, կամ ժողովուրդը ինչից է դժգոհ, այդ վերլուծությունը ֆրանսիացուն պետք չի: ինքը հասկանում է, որ դա ֆրանսիացի չէ ու եթե գնում է դրան, պարզ է՝ նպատակը որն է»,- արձագանքեց Արայիկ Հարությունյանը։
0Comments