Մխիթարյանի գոլը «Ինտեր»-ին հաղթանակ բերեց

Իտալիայի ֆուտբոլի առաջնության 23-րդ տուրում «Ինտեր»-ը մրցել է «Ուդինեզե»-ի հետ:

«Արմենպրես»-ի հաղորդմամբ` Միլանում կայացած խաղում «Ինտեր»-ն առավելության է հասել 3:1 հաշվով: «Կապույտների» հաղթանակին նպաստել է նաև Հայաստանի ֆուտբոլի ազգային թիմի նախկին ավագ Հենրիխ Մխիթարյանի գոլը: Հայ կիսապաշտպանը դիպուկ հարվածով աչքի է ընկել 73-րդ րոպեին: «Ինտեր»-ի կազմում գոլերը խփել են նաև Ռոմելու Լուկակուն և Լաուտարո Մարտինեսը:

Այս հաղթանակից հետո «Ինտեր»-ը Սերիա Ա-ի մրցաշարային աղյուսակում մնում է երկրորդ տեղում և ունի 47 միավոր: Առաջատար «Նապոլի»-ն հավաքել է 62 միավոր: