ԱԱ 2022-ի կիսաեզրափակիչում Ֆրանսիայի հավաքականը 2։0 հաշով հաղթեց Մարոկկոյին և դուրս եկավ եզրափակիչ։
«Ալ Բայթ» ստադիոնում կայացած խաղում հաշիվը բացվեց հանդիպման հենց մեկնարկում։ Արդեն 5-րդ րոպեին ֆրանսիացիներին առաջ մղեց եզրային պաշտպան Տեո Էռնանդեսը։
79-րդ րոպեին աշխարհի գործող չեմպիոնի կազմում հաշիվը կրկնապատկեց Ռանդալ Կոլո Մուանին, որը վայրկյաններ առաջ էր մտել փոխարինման։
Ֆրանսիան 2-րդ անգամ անընդմեջ կխաղա աշխարհի առաջնության եզրափակիչում։ 2018 թվականին ֆրանսիացիները 4։2 հաշվով հաղթել էին Խորվաթիային։
Կատար 2022-ի եզրափակիչ հանդիպումը նախատեսված է դեկտեմբերի 18-ին։
armsport.am
0Comments