Մեծ Բրիտանիայի նախկին վարչապետ Բորիս Ջոնսոնը CNN Portugal-ին տված հարցազրույցում խոսել է այն մասին, թե ինչպես էին Ուկրաինայի դաշնակիցները փետրվարին դիտարկում պատերազմի հեռանկարները՝ ռուսական ագրեսիայի մեկնարկից անմիջապես հետո։
«Դա մեծ ցնցում էր… Մենք դիտում էինք, թե ինչպես են կազմավորվում ռուսական գումարտակային տակտիկական խմբերը, բայց տարբեր երկրներ տարբեր կերպ արձագանքեցին», – ասաց Ջոնսոնը:
«Գերմանիան ինչ-որ պահի գտնում էր, որ եթե դա տեղի ունենա, ինչը աղետ կլիներ, ապա ավելի լավ կլիներ ամեն ինչ արագ վերջացնել, իսկ Ուկրաինան՝ հանձնվի», – ասել է Ջոնսոնը։
«Չկասկածեք, որ ֆրանսիացիները մինչև վերջին պահը հրաժարվում էին դրան հավատալ»,- հավելեց նա։
Ջոնսոնը քննադատել է Իտալիայի կառավարությանը, որի վարչապետն այն ժամանակ Մարիո Դրագին էր։ Ինչ-որ պահի նրանք ասացին, որ պարզապես չեն կարող պաշտպանել այլ երկրների դիրքորոշումը՝ ռուսական ածխաջրածիններից կախվածության պատճառով, ասել է Մեծ Բրիտանիայի նախկին վարչապետը։
Բորիս Ջոնսոնն ասել է, որ Ռուսաստանի ղեկավարը խաբել է ինքն իրեն՝ ենթադրելով, որ Ռուսաստանի և Ուկրաինայի ենթադրյալ «քթոնիկ միասնության» շնորհիվ «ռուսական տանկերի փողերը կզարդարվեն ծաղիկներով»։
«Ավերված քաղաքներ, տասնյակ հազարավոր անմեղ խաղաղ բնակիչներ սպանվեցին դաժան ռմբակոծությունների ժամանակ: Հարձակումներ դպրոցների, մանկապարտեզների և հիվանդանոցների վրա։ Ամենուր, որտեղ Պուտինի զորքերը հետ են մղվում, մենք տեսնում ենք նրա ռազմական հանցագործությունների ապացույցներ. համակարգված բռնություն, խոշտանգումների սենյակներ, ականներ և թակարդներ, որոնք նախատեսված են խաղաղ բնակիչներին խեղելու համար»,- ասել է Ջոնսոնը՝ կոչ անելով արևմտյան երկրներին չդադարեցնել օգնությունն Ուկրաինային:
0Comments