2018 թվականին ֆուտբոլային ակումբները նոր խաղացողների ձեռք բերելու համար ծախսել են 7.03 միլիարդ դոլար: Տվյալը ներկայացրել է Ֆուտբոլի միջազգային ֆեդերացիան: Այդ ցուցանիշը 10 տոկոսով գերազանցում է 2017 թվականի ընդհանուր ծախսը: 2017-ին ակումբները ծախսել էին 6.37 միլիարդ դոլար: Գումարի մեծ մասը՝ 78 տոկոսը ծախսել են ՈւԵՖԱ-ն ներկայացնող երկրների թիմերը:
2018-ին 3975 ակումբ կատարել է 16533 միջազգային տրանսֆեր 175 երկրներ ներկայացնող ֆուտբոլիստների մասնակցությամբ:
Ամենաթանկ տրանսֆերը ֆրանսիացի Կիլիան Մբապեինն է՝ մոտ 200 միլիոն դոլար: Նա «Մոնակոյից» ՊՍԺ էր տեղափոխվել վարձակալությամբ 2017-ն, սակայն տրանսֆերն իրականացվել է 2018-ի ամռանը:
0Comments