Միացյալ Նահանգները հետ է կանչում Կարակասում ԱՄՆ դեսպանատան դիվանագետների մի մասին: Սակայն սա վերաբերում է միայն այն աշխատակիցներին, որոնք որևէ հրատապ աշխատանք չեն կատարում:
Հունվարի 24-ին Պետդեպարտամենտը հրահանգել է հետ կանչել այն քաղծառայողներին, որոնց պարտականությունների մեջ չեն մտնում արտակարգի իրավիճակներին անձագանքելը: Երկիրը կլքեն նաև այդ դիվանագետների ընտանիքները:
Այս քայլի պատճառը Վենեսուելայում անվտանգության գործակիցն է: Այնուամենայնիվ, Պետդեպի ներկայացուցիչն ընդգծել է, որ Միացյալ Նահանգներն «իր դիվանագիտական ներկայացուցչությունը փակելու ծրագրեր չունի»:
Հիշեցնենք, որ Կարակասում զանգվածային բողոքի ցույցեր են սկսվել՝ ընդդեմ երկրի գործող նախագահ Նիկոլաս Մադուրոյի: Ընդդիմադիր խորհրդարանի նախագահ Խուան Գուաիդոն իրեն հռչակել է երկրի ժամանակավոր նախագահ:
ԱՄՆ-ը և մի շարք այլ երկրներ աջակցություն են հայտնել ընդդիմադիր առաջնորդին, սակայն կան նաև մի շարք երկրներ, որոնք աջակցում են Մադուրոյին:
Ավելի վաղ Մադուրոն հայտարարել է, որ խզում է դիվանագիտական հարաբերություններն ԱՄՆ-ի հետ՝ պահանջելով ամերիկացի դիվանագետներից երկիրը լքել 72 ժամվա ընթացքում, սակայն ԱՄՆ պետքարտուղար Մայք Պոմպեոն հրաժարվել է ընդունել այդ պահանջը՝ հայտարարելով, որ Մադուրոն նման որոշում կայացնելու լիազորություն չունի:
0Comments