Պամելա Անդերսոնը դիմել է Վլադիմիր Պուտինին

Խնդրել է արգելել կետադելֆինների և բելուգաների որսը Չինաստանին վաճառելու համար
պամելա

Ամերիկացի դերասանուհի Պամելա Անդերսոնը, որը հանդիսանում է Կենդանիների պաշտպանության միջազգային հիմնադրամի (IFAW) խորհրդի անդամ, ՌԴ նախագահ Վլադիմիր Պուտինին խնդրել է արգելել կետադելֆինների և բելուգաների որսը Չինաստանին վաճառելու համար:

«Վերջերս դիմել եմ Ռուսաստանի Դաշնության նախագահ Վլադիմիր Պուտինին՝ ակվարիումներում ցուցադրության համար Չինաստան արտահանելու նպատակով կետադելֆինների և բելուգաների որսի դադարեցման հարցը վերանայելու խնդրանքով: Ես ուշադիր հետևում եմ իրադարձությունների ընթացքին և հուսով եմ, որ այդ կաթնասունները շուտով դուրս կգան «կետերի բանտից», և որ այդ դաժան բիզնեսը պատմություն կդառնա», - Взгляд.ru-ի փոխանցմամբ՝ դերասանուհու խոսքը հրապարակվել է հիմնադրամի կայքում:

Անդերսոնը հավելել է, որ կցանկանար մեկնել Ռուսաստան Անտարկտիդայի և Հարավային օվկիանոսի պահպանության հարցերը քննարկելու համար, ինչպես նաև տեղեկանալու վայրի բնության պահպանության ասպարեզում գրանցված ձեռքբերումների մասին: