Պերուի բանտում կալանավորները պատանդ են վերցրել բանտի աշխատակիցներին

Չորեքշաբթի երեկոյան, բանտարկյալների միջև ծեծկռտուք է սկսվել
խռովություն

Պերուի հարավում գտնվող Տակնա քաղաքի Չալյապոլկա բանտում տեղի ունեցած խռովության ժամանակ կալանավորները պատանդ են վերցրել Ազգային քրեակատարողական ինստիտուտի (NPI) չորս աշխատակիցներին: Այս մասին նշվում է  գերատեսչության Twitter-ի  էջում:

Չորեքշաբթի երեկոյան, բանտարկյալների միջև ծեծկռտուք է սկսվել, որի ընթացքում նրանցից մեկը մահացել է, մեկ այլ բանտարկյալ էլ վիրավորվել:

«Բանտի անվտանգության ծառայության աշխատակիցները ներկայացել են նշված վայր և պատանդառվել: Այս պահին 4-ն են, նրանց հետ ամեն ինչ կարգին է», - նշվում է հաղորդագրության մեջ:

Կալանավայրը ներկայումս վերահսկվում է անվտանգության աշխատակիցների և ոստիկանության կողմից: Դատապարտյալները հրաժարվում են ազատ արձակել պատանդներին և պահանջում են  դատախազության ներկայացուցչի ժամանումը, որն արդեն ուղևորվում է դեպքի վայր: