Թուրքիան փորձում է ստեղծել իրանցի ադրբեջանցիների կառավարություն։ Այս մասին հայտնում են իրանական ԶԼՄ-ները։
Իրանում բողոքի ցույցերի ֆոնին սոցիալական ցանցերում հայտարարություն է հայտնվել, որի հեղինակներն իրենց անվանել են «Հարավային Ադրբեջանի ժամանակավոր Ազգային ժողով»։
Հայտարարության մեջ հեղինակները նշել են, որ սկսել են աշխատել Իրանից դուրս կառավարություն ստեղծելու ուղղությամբ։ Ավելին՝ հայտարարության մեջ նշվում է նաև, որ հոկտեմբերի 1-ին «Հարավային Ադրբեջանի» քաղաքական ակտիվիստները հավաքվել են Անկարայում և որոշել ստեղծել «Հարավային Ադրբեջանի ժամանակավոր Ազգային ժողով», որի կանոնակարգը կընդունվի մեկ ամսվա ընթացքում, և անդամների թիվը կլինի. 91-ից 101 հոգի։
Նշենք, որ «Հարավային Ադրբեջան» կոչվող տարածքի տակ հեղինակները նկատի ունեն Իրանի Ատրպատան նահանգը, որի բնակչության մեծամասնությունը կազմում են թյուրքալեզու իրանցիները։
0Comments