Միջազգային իրավական հարցերով ՀՀ ներկայացուցչության մամուլի քարտուղար Հասմիկ Սամվելյանն ի պատասխան հայաստանյան լրատվամիջոցների հարցման, հաստատել է, որ ադրբեջանցիները սպանել են գերեվարված զինվոր Դավիթ Գիշյանին: Մասնավորապես ասել է.
«Ադրբեջանական Telegram-ի ալիքներից մեկում հրապարակված տեսանյութում հարազատները ճանաչել են ժամկետային զինծառայող Դավիթ Գիշյանին՝ ծնված 2002 թվականին։ Տեսանյութի կադրերից պարզ է դարձել, որ Դավիթը վիրավորվել է ուսի շրջանում եւ գերի է ընկել։
Սակայն երեկ հայտնի դարձավ, որ սպանվել է Դավիթ Գիշյանը։ Այսօր Եվրոպական դատարանին տեղեկացրել ենք, որ Ադրբեջանը կոպտորեն խախտել է Մարդու իրավունքների եվրոպական կոնվենցիայի 2-րդ հոդվածը։
Բողոքարկել ենք նաև 3-րդ հոդվածով, որը պաշտպանում է մարդուն խոշտանգումներից և արժանապատվությունը նվաստացնող վերաբերմունքից, և պահանջել ենք հրատապ Ադրբեջանի նկատմամբ միջանկյալ միջոց կիրառել՝ պատասխանի համար ժամանակ տալու փոխարեն».
0Comments