Միացյալ Նահանգները պատրաստվում է Ուկրաինա ուղարկել բարձր ճշգրտության Excalibur կառավարվող հրետանային զինամթերք։ Այս մասին գրում է Politico-ն՝ հղում անելով անանուն աղբյուրին։
Զրուցակցի խոսքով՝ արկերը կներառվեն ԱՄՆ-ի ռազմական օգնության հաջորդ տրանշում։ Excalibur-ի միջոցով ուկրաինացի զինվորականները կկարողանան հարվածել ընդգետնյա ռուսական դիրքերին և հրամանատարական կետերին:
Նախօրեին Վաշինգտոնը հայտարարել էր Ուկրաինայի զինված ուժերին մոտ 800 մլն դոլարի չափով օգնության նոր փաթեթի մասին։ Այն ներառում էր զինամթերք HIMARS-ի համար, առաջին անգամ՝ ScanEagle անօդաչու թռչող սարքեր, արագընթաց հակառադարային հրթիռներ HARM, Javelins և այլն։
0Comments