Հայաստանի տղամարդկանց հավաքականը հաղթել է Ադրբեջանին

Մանրամասներ
Live24.am-ը ներկայացնում է

1

Հնդկաստանի Չեննայ քաղաքում ավարտին է մոտենում Շախմատի համաշխարհային 44-րդ օլիմպիադան: Նախավերջին՝ 10-րդ տուրում, Հայաստանի տղամարդկանց հավաքականը 3:1 հաշվով առավելության է հասել Ադրբեջանի նկատմամբ: Այս մասին տեղեկացնում է ՀՀ ԿԳՄՍՆ-ն:

Տղամարդկանց հավաքականի կազմում իրենց պարտիաները հաղթանակներով են ավարտել Գաբրիել Սարգսյանն ու Ռոբերտ Հովհաննիսյանը: Սարգսյանը սև խաղաքարերով 67-րդ քայլում հաղթանակի է հասել Շահրիյար Մամեդյարովի նկատմամբ, իսկ Հովհաննիսյանը 51-րդ քայլում պարտության է մատնել Նիյաթ Աբասովին։

Հրանտ Մելքումյանը և Մանուել Պետրոսյանը ոչ-ոքի են ավարտել իրենց պարտիաները:

Այս հաղթանակի շնորհիվ Հայաստանի հավաքականն իր միավորների թիվը հասցրել է 17-ի:

Հայաստանի հավաքականը նախորդ տուրերում հաղթել էր Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5), Հնդկաստանի երկրորդ թիմին (2,5:1,5), Հնդկաստանի գլխավոր թիմին (2,5:1,5), ոչ-ոքի էր խաղացել ԱՄՆ-ի հետ և զիջել միայն Ուզբեկստանին (1:3):

10-րդ տուրում Հայաստանի կանանց հավաքականի մրցակիցը ևս Ադրբեջանի թիմն է: Հանդիպմանը հայտավորված են Էլինա Դանիելյանը, Աննա Սարգսյանը, Լիլիթ Մկրտչյանը և Սուսաննա Գաբոյանը:

Շախմատի համաշխարհային 44-րդ օլիմպիադայում կանցկացնի 11 տուր: