ՀՀ վարչապետ Նիկոլ Փաշինյանն այսօր առցանց մամուլի ասուլիսի ժամանակ հայտարարեց, որ Ադրբեջանի՝ գերիներին չվերադարձնելու քաղաքականության նպատակը մեկն է՝ վարկաբեկել ռուս խաղաղապահների գործունեությունը:
«Այսօր հաստատված ռազմագերիների 90 տոկոսը գերեվարվել են ռուս-խաղաղապահների տեղակայումից հետո և նրանց պատասխանատվության գոտում: Ես այս հարցը բարձրացրել եմ մեր ռուս գործընկերների քննարկումների ընթացքում»,- ասաց Կառավարության ղեկավարը:
Վարչապետի խոսքով՝ միջազգային հարթակներում շարունակվում է ռազմագերիների հարցը բարձրացվել. «Այս հարցով մենք նաև դատական գործընթացներ ունենք միջազգային ատյաններում, հետևողական ենք լինելու, որ մեր բոլոր գերիները վերադառնան»:
Նիկոլ Փաշինյանը նշեց՝ միջազգային կազմակերպությունների և Ադրբեջանի հաստատմամբ՝ ՀՀ-ն ունի 38 ռազմագերի, սակայն ունենք նաև երկրորդ ցուցակ, որոնց գերեվարված լինելը դեռևս հաստատված չէ:
Գերիների վերադարձի ժամկետների մասին խոսելիս էլ վարչապետն ասեց, որ խուսափում է նման տվյալներ ասել, քանի որ մեկ անգամ ժամկետ է ասել ծնողներից մեկին, սակայն վերադարձը չի եղել, ինչն իր համար դաս է եղել:
0Comments