Փաշինյանը բացահայտ հայտարարում է` դեմ չէ, որ Արցախը լինի Ադրբեջանի կազմում. Իշխան Սաղաթելյան

Մանրամասներ
Live24.am-ը ներկայացնում է

1

Նախօրեին խորհրդարանում Նիկոլ Փաշինյանը հայտարարեց, որ ցանկացած կարգավիճակ, որը կերաշխավորի արցահայության, ԼՂ հայության անվտանգությունը, մեզ համար ընդունելի է։ Մարդը բացահայտ հայտարարում է, որ դեմ չէ, որ Արցախը լինի Ադրբեջանի կազմում

Ֆրանսիայի հրապարակում հայտարարել է Իշխան Սաղաթելյանը․

«Դրա պատասխանը այսօր հնչեց՝ Ադրբեջանի նախագահ Իլհամ Ալիևի կողմից։ Երբ ամիսներ շարունակ ասում էինք, որ Ալիևը և Նիկոլը ունեն պայմանավորվածություն՝ երկիրը կտոր-կտոր հանձնելու, դեռ կային մարդիկ, ովքեր ասում էին՝ այդպես չէ։ Կարծում եմ՝ գոնե այսօրվանից հետո բոլոր այն մարդիկ, ովքեր ինչ-ինչ հանգամանքներից ելնելով՝ դեռ ջրբաժանի այդ հատվածում են, պետք է հասկանան, որ դավաճանի հետ հավասար պատասխանատվություն են կրելու»,- նշեց Սաղաթելյանը։

Նա հիշեցրեց հունիսի 18-ի Ֆրանսիայի հրապարակում տեղի ունենալիք համապետական հանրահավաքի մասին: